Bələdçi

Tez-tez verilən suallar — chatbot, qiymət, quraşdırma

Chatbot, avtomatlaşdırma və ERP barədə bizə ən çox verilən sualları bir yerə yığdıq. Qiymətdən quraşdırmaya, məlumat təhlükəsizliyindən dəstəyə qədər — hamısına qısa və dürüst cavab.

Aşağıdakı suallar bizə ən çox verilən suallardır. Cavabları qısa saxlamışıq — daha dərin izah lazım olsa, hər bölmənin sonunda müvafiq səhifəyə keçid var.

Qiymət və ödəniş

Chatbot neçəyə başa gəlir?

Chatbot xidmətimiz 120 ₼/ay Sadə, 140 ₼/ay Standard və 160 ₼/ay Premium tarifləri ilə təklif olunur. Fərq kanal sayı, avtomatlaşdırma dərinliyi və inteqrasiya səviyyəsindədir. Bütün tariflər qiymətlər səhifəsində açıq yazılıb — gizli xərc yoxdur.

Niyə aylıq ödəniş, birdəfəlik deyil?

Chatbot qurulub unudulan bir fayl deyil: kanallar (Instagram, WhatsApp) qaydalarını yeniləyir, məhsul və qiymətlərin dəyişir, botun cavabları təkmilləşdirilməlidir. Aylıq model bu davamlı işi, hostinqi və dəstəyi əhatə edir. Bir dəfəlik ödənişlə qurulan bot bir neçə aydan sonra köhnəlir və heç kim ona baxmır.

Vebsayt və ERP qiymətləri necədir?

Vebsayt, ERP və şirkətə özəl proqram layihələri fərdi qiymətləndirilir, çünki həcm hər müştəridə fərqlidir. Təxmini büdcəni pulsuz konsultasiyada dəqiqləşdiririk.

Quraşdırma və müddət

Chatbot nə qədər vaxta hazır olur?

Sadə bir chatbot bir neçə iş gününə işə düşür. Müddət əsasən sənin tərəfindən asılıdır: məhsul/xidmət siyahısı, qiymətlər və tez-tez verilən sualların mətni nə qədər tez hazır olsa, bot da o qədər tez hazır olur.

Mənim texniki biliyim lazımdırmı?

Xeyr. Qurulmanı tam biz edirik — sən yalnız biznes məlumatını verirsən və hesablarına icazə (giriş) təsdiqləyirsən. Sonra idarəetmə paneli sadə interfeysdir: mesajları oxuyur, lazım olanda özün cavab yazırsan.

Mövcud saytım və ya CRM-im varsa, uyğunlaşırmı?

Bəli. Bot sayta widget kimi qoşula, sifarişləri isə mövcud sistemə və ya bizim ERP-yə ötürə bilər. İnteqrasiya imkanları xidmətlər səhifəsində təsvir olunub.

Kanallar və dil

Hansı kanallarda işləyir?

Instagram (birbaşa mesaj və komment), WhatsApp, Messenger və sayt çatı. Bütün söhbətlər NERO platformasında bir paneldə toplanır — hər kanal üçün ayrı ekran açmağa ehtiyac qalmır.

Bot Azərbaycan dilində normal danışırmı?

Bəli. Bot Azərbaycan dilində yazışma üçün qurulur; rus və ingilis dilində də cavab verə bilər. Söhbətin tonunu (rəsmi, səmimi, qısa) sən seçirsən — botun xarakteri biznesinə uyğunlaşdırılır.

Səsli mesajları başa düşürmü?

Səsli mesajın mətnə çevrilməsi mümkündür. Ayrıca AI zəng botu xidmətimiz var: telefon zənglərinə səslə cavab verir, randevu yazır və məlumat toplayır.

Bot, insan və nəzarət

Bot cavab verə bilməsə nə olur?

Söhbət operatora ötürülür. Bot pauza edilir, işçi söhbətə girib davam edir — müştəri fərqi hiss etmir. Sadə işlər avtomatik həll olunur, çətin hallar insana qalır.

Botu istədiyim vaxt söndürə bilərəmmi?

Bəli. İstənilən söhbətdə botu pauzaya salmaq, yaxud tamamilə dayandırmaq mümkündür. Nəzarət tam sənin əlindədir.

Bot səhv cavab versə nə edirik?

Botun bilik bazası yenilənir. Səhv cavablar paneldə görünür; həmin mövzu üzrə düzgün mətn əlavə olunur və bot bir daha eyni səhvi təkrarlamır. Bu, davamlı prosesdir və aylıq dəstəyə daxildir.

Müştəri botla danışdığını bilirmi?

Şəffaflıq tərəfdarıyıq. Botun avtomatik köməkçi olduğunu bildirən qarşılama mətni qurmağı tövsiyə edirik — bu, etibarı azaltmır, əksinə artırır və gözləntini düzgün formalaşdırır.

Məlumat və təhlükəsizlik

Müştəri məlumatları kimə məxsusdur?

Məlumat sənin biznesinə məxsusdur. Söhbətlər, kontaktlar və sifarişlər sənin hesabında saxlanılır; istədiyin vaxt ixrac edə bilərsən.

Hesablarımın parolunu verməliyəmmi?

Xeyr. Instagram və WhatsApp qoşulması rəsmi icazə (giriş təsdiqi) mexanizmi ilə aparılır — parol paylaşmağa ehtiyac yoxdur və biz parol istəmirik.

Söhbətlər itə bilərmi?

Söhbətlər və kontaktlar sistemdə saxlanılır, təsadüfi silinməyə qarşı qorunur. Bu, botun ən böyük praktik faydalarından biridir: telefonda itən yazışma əvəzinə hər şey bir bazada qalır.

Müqavilə və dəstək

Uzunmüddətli müqaviləyə bağlanıram?

Xidmət aylıqdır. Uzun illik öhdəlik tələb etmirik — nəticə görmürsənsə, davam etməyə məcbur deyilsən.

Dəstək necə verilir?

Sual və ya problem olanda birbaşa bizimlə əlaqə saxlayırsan — WhatsApp, telefon və ya e-poçt. Bot 7/24 işləyir; dəstək komandası iş rejimində cavab verir.

Sonradan yeni kanal və ya funksiya əlavə etmək olar?

Bəli. Adətən bir kanaldan başlamağı, işlədiyini görəndən sonra genişlənməyi məsləhət görürük. Kanal əlavəsi tarifə uyğun aparılır.

Nəticə və gözləntilər

Chatbot satışı artırırmı?

Bot özü satmır — o, satışın itməsinin qarşısını alır. Real mexanizm sadədir: gecə və ya iş saatından sonra gələn mesaj cavabsız qalmır, təkrarlanan suallar (qiymət, ünvan, iş saatı, çatdırılma) dərhal cavablanır, maraqlanan adamın nömrəsi bazaya düşür. Ən çox fayda cavab gecikməsi səbəbindən müştəri itirən bizneslərdə görünür.

Hansı bizneslərə daha çox uyğundur?

Gündə çoxlu eyni tipli sual alan sahələr: restoran və kafe, gözəllik salonu və klinika, onlayn mağaza, avtoservis, kurs mərkəzi, xidmət şirkətləri. Mesaj həcmi az olan və hər müştəri ilə uzun fərdi danışıq tələb edən bizneslərdə fayda daha məhduddur — bunu konsultasiyada açıq deyirik.

Nəticəni necə ölçürəm?

Paneldə söhbət sayı, cavablanan suallar, toplanan kontaktlar və sifarişlər görünür. Başlanğıcda bir neçə göstərici seçib müqayisə etmək kifayətdir: neçə mesaj gəldi, neçəsi avtomatik bağlandı, neçəsi operatora keçdi.

Şirkət haqqında

Siz marketinq agentliyisiniz?

Xeyr. AI Media Bakıda yerləşən texnologiya şirkətidir: proqram və AI sistemləri qururuq. Reklam kampaniyası aparmaq yox, bizim işimiz chatbot, avtomatlaşdırma, vebsayt, ERP və şirkətə özəl proqram hazırlamaqdır.

Hazır platforma satırsınız, yoxsa sıfırdan qurursunuz?

Hər ikisi. Standart ehtiyaclar üçün öz platformalarımız var — NERO chatbot platforması və onlayn ERP. Prosesi standart həllə sığmayan bizneslər üçün isə şirkətə özəl proqram yazırıq.

Bakıdan kənarda işləyirsinizmi?

Bəli. İş onlayn aparılır: qoşulma, qurulma və dəstək uzaqdan həyata keçirilir. Bakıda görüş də mümkündür.

Botun cavablarını kim yazır?

Mətnləri biz hazırlayırıq, sən təsdiqləyirsən. Bizə məhsul/xidmət siyahısı, qiymətlər və tez-tez verilən sualların cavabları lazımdır — qalanını (ssenari, ton, ardıcıllıq) biz qururuq. Sonradan istənilən cavabı dəyişmək mümkündür.

Eyni anda bir neçə işçi cavab yaza bilərmi?

Bəli. Panelə komanda üzvləri əlavə olunur, hər birinin öz girişi və səlahiyyəti olur. Kimin hansı söhbətə cavab verdiyi görünür — məsuliyyət itmir.

Bizim sahəmizdə təcrübəniz varmı?

Fərqli sahələr üçün həllər qurmuşuq: xalça yuma, quşçuluq və ferma uçotu, istehsalat nəzarəti, restoran, salon və klinika rezervasiyası, onlayn mağaza. Sahə fərqli olsa da, prinsip eynidir: təkrarlanan işi sistem görsün, insan qərar versin.

Başlamaq

Necə başlaya bilərəm?

Ən sadə yol pulsuz konsultasiyadır: biznesinə baxırıq, hansı prosesin avtomatlaşdırılmasının real fayda verəcəyini deyirik və təxmini müddət/büdcə veririk. Öhdəlik yoxdur. Əlaqə səhifəsindən yaza bilərsən və ya birbaşa WhatsApp-dan zəng edə bilərsən.

Məhsullarımızla tanış olmaq istəyirsənsə: NERO chatbot platforması və onlayn ERP.